Popular Bible Verses from 1 Tutul Israél 16

Share

Hol hnebel ye Dwata, snalig ye yóm kun kgis, Senflós ye mebel du.

Hol dóyón tekuy Dwata lemwót bè yóm tey kehyuhen. Là kóen monol yóm kbong nawahen tekuy ne laen kô dù tul sónen.

Hol tekuy slamat bè Dwata. Hol gel heglalag tekuy yóm kegetahen. Tulón tekuy bè kem tau bè klamangen benwu yóm deng gendengen.

Hligal tekuy abay se tey mólós yóm kun boluy. Yóm kdê tekuy gel tmaba ebéléen, hol tekuy hligal.

Yu kem tau semfu gu bè Israél, yóm tau tehe kun tóbóng lówó Dwata, ne yu kem tau semfu gu bè Jakub yóm tau tehe kun nélék Dwata, hentulón ye nawa yó kem hentaw ton tehe gel nmò Dwata bélê le. Hentulón ye nawa snéen yóm tehe gel ktafaken yó kem hohon le.

Hol gel sngal tekuy yóm sngal dmóyón ke Dwata. Gel tulón tekuy yó kem tey hentaw ton gel nmoen.

Tey geta yóm Dwata, tey knóón semdóyón du. Yake wen klikò tekuy du senta yó kem dwata kéng.

Hol dóyón tekuy, abay se tey minggel boluyen. Mógów tekuy ebè Gónóen, eles tekuy mit yóm mò blay tekuy du. Tmaba tekuy ebéléen bè yóm tey keslinangen, abay se yóm Dwata laen kô dù belenen.

Yó lemibut du yóm tey klinggelen ne yóm tey kegetahen. Yó hol heklóón du yóm kun Gónô, duhen yóm tey kekgisen ne yóm tey ktiloben.

Kdéen tau bè klamang benwu, gotu tekuy semngal ebè Dwata. Ket kdaw tekuy heglalag du yóm tulón hyu lemwót béléen, duhen yóm deng kehewaen tekuy.

Hol heglalag tekuy bè yó kem tau bè dumu benwu yóm tey keklóón yóm nmoen. Ne hol tulón tekuy bè kdéen tau yóm tey hentaw ton gel nmoen.

“Hol bê ye abay hensidek lu yó kem dou tau nélék. Ne yó kem tugodu elem blóng le, bê ye abay hensidek lu.”

Yó kem dwata kul gónó e gel tmaba yó kem tau bè dumu benwu, hono dwata lennged. Okóm yóm Dwata tekuy, du se dmimun du yóm longit seglafin.

Ne yóm deng tehe fasaden yó kem kun tau, laen kô dù tul sónen. Baluen ke hilu libu bud lugod le, senged kdohoen yóm tehe fasaden yó.

Ó longit ne tonok, hol ye hligal se kuy. Hol tulón tekuy bè yó kem tau bè dumu benwu, “Dwata se yóm hol geta kmamal yóm klamangen.”

Hol dóyón tekuy Dwata yóm Dwata yó kem tau Israél. Laen kô dù tul sónen yóm kdóyón tekuy du. Omin le gotu mensag yóm kdéen tau, mon le, “Tahu se.” Ne gotu dóyón le Dwata yóm kdê le.

Yake hol dilô ye Dwata, yu kem tau bè yó kem dumu benwu talak tonok. Yake hol dilô ye yóm tey keklóónen ne yóm tey kegbeken.