Popular Bible Verses from ROMA 6

Share

Basa pampatei jete upah dosa; tapi pambelom je bujur tuntang katatahie hinje Kristus Yesus Tuhan itah jete panenga je inenga Hatalla kalote bewei.

Dosa dia tau manguasa keton, basa keton dia tinai belom penda hukum agama Yehudi tapi penda sintan Hatalla.

Hapan pampandoi te, itah ingubur hayak dengan Kristus tuntang omba matei haya-hayak Dengae, mangat sama kilau Kristus imbelom bara pampatei awi kuasan Bapa je tinduh-barasih, kalote kea itah tau mahoroi ije pambelom je taheta.

Ela kea pahari manyarah ramon bitin pahari akan kuasan dosa uka ingguna akan kahandak je papa. Tapi sarah bitin pahari akan Hatalla kilau oloh je jari iindah bara pampatei akan pambelom. Sarah arep keton lepa-lepah akan Hatalla mangat ihapan akan malalus kahandak Hatalla.

Itah mangatawan je sipat itah je usang kilau olon jari impatei haya-hayak dengan Kristus hong kayu sampalaki mangat kuasan sipat itah je badosa te impahancor; maka kalote itah dia hindai manjadi jipen dosa.

Keton musti kea maanggap arep keton matei akan dosa, tapi belom hong hubungan je tokep dengan Hatalla mahalau Kristus Yesus.

Amon kalote, en taloh je koan itah? En itah musti jua-juan mawi dosa mangat Hatalla sasar sinta itah? Batantu dia! Dosa dia tinai bara kuasa hunjun itah, jadi, kueh tau itah raju-rajur belom sambil mawi dosa?

En keton katawan amon keton manyarah arep keton akan ije biti oloh uka malalus kahandake maka keton jadi jipen oloh je inumon keton auhe te – en te jipen dosa je mimbit keton akan pampatei, atawa jipen je taat dengan Hatalla, tuntang tagal te badamai haluli dengan Hatalla.

Tapi tarima kasih akan Hatalla! Basa bihin keton manjadi jipen dosa, tapi toh keton hapan sakalepah atei mamenda auh ajar je bujur je jari inenga akan keton. Keton jari ilapas bara dosa, tuntang toh manjadi jipen akan kahandak Hatalla.