Popular Bible Verses from LUKAS 3

Share

Limbah kakare oloh te impandoi, Yesus impandoi kea. Tuntang katika Ie metoh balakudoa, langit buap, tuntang Roh Hatalla mohon akan hunjun Ie sama kilau burong dara. Palus tarahining auh Hatalla mansanan, “Ikau toh Anak-Ku je inyinta-Ku. Ikau je manyanang atei-Ku.”

Jete sababe Yohanes hamauh dengan ewen, “Aku mampandoi keton hapan danum, tapi kareh aton oloh je dumah labih hai bara aku. Mengkak talin sapatun Ayue bewei mahin aku toh dia patut. Ie kareh mampandoi keton hapan Roh Hatalla tuntang apui.

Parahan hapan gawin keton je keton jari hobah bara kare dosan keton! Ela nampara manyewut je Abraham te tato-hiang keton. Ingat: Bara kare batu toh kea Hatalla tau manampa turonan Abraham!

Kapak jari tatap hapa maneweng batang kayu sampai akan kare parokate. Gagenep upon kayu je dia mampalembut bua je bahalap kareh ineweng tuntang inganan akan apui.”

Hal te hakabuah dengan auh je tarasurat huang surat Nabi Yesaya: “Aton oloh je teha-tehau intu padang pasir, ‘Keleh manatap jalan akan Tuhan, keleh mamparata jalan akae. Gagenep datah kareh inimbok, gagenep bukit tuntang lungkoh imparata. Jalan je kolak-kelok keleh imbujur tuntang jalan je kumbang-kembut imparata. Kare oloh hong hapus kalunen manampayah Hatalla manyalamat olon!’ ”