Popular Bible Verses from EKSODUS 20

Share

“Aku toh TUHAN, Hatallam je mimbit ikau balua bara Misir ekam ihajipen. Ela manyembah kare Hatalla beken. Sembah Aku bewei.

Ela manampa akam kabuat hampatong je manumon taloh en bewei je aton intu langit, intu petak atawa intu huang danum penda petak. Ela manyembah hampatong tumon te, awi Aku toh TUHAN, Hatallam. Aku dia handak inyama dengan en bewei. Kare oloh je manyingi Aku ihukum-Ku sampai turonan je katelo tuntang kaepat.

Hormat bapam tuntang indum, mangat ikau belom sanang tuntang panjang umur intu lewu je handak inengaku akam.

Haga andau Sabat tuntang hormat andau te kilau andau je barasih.

Ela manyewut arang-Ku bararangai, awi aku TUHAN, Hatallam, mahukum eweh bewei je mahapan arang-Ku sala.

Aku manenga akam jahawen andau uaka bagawi, tapi andau je kauju te andau malayan je baya tantai akang-Ku. Hong andau te ela aton je bagawi, aloh ikau, aloh kare anakm, kare jipem, meto ayum atawa oloh bangsa beken je melai intu lewum.

Ela mipen taloh je ayun oloh beken: huma, sawae, kare jipee, metoe, kalidaie, atawa taloh en bewei je ayue.”

Ela mansanan taloh je dia toto tahiu oloh beken.

Ela habandong.

Ela mampatei.

Ela manakau.