Popular Bible Verses from OROMA 10

Share

Kat kemende nggwe-nen: ”Yesus-e Nagawan Indo-nen yusu-o” luk nam-et para yosola, nde, ”Mbal Pem Nagawan-nen wat yidnak nap ennggenggerak-nen Yesus uruk tak pij-o” luk wene na bem kindi angin tubu yosola-ge, kimiri yuwa-o.

Nde, inndi-nen angin tubu yidnak pem-nen lud tak nak onposo-o. Nde, enemende nggwe-nen-e: ”Yesus-e Nagawan Indo-nen yusu-o” luk yidnak pem inmiri yoso-o.

Iri bem-e, wene kulidnak pem-net inndi angin tubu yugwi-o. Nde, wene na kulugwi iri-ge ap-nen Kerisut owene yak ondogola-net kulugwi-o.

Mbal Pem Nagawan engga mbarak pem-nen yosolar-e: ”Inndi-ge at ebem angin tubu yuwa nab-e innggiri mondok wuruwa bug-o” luk yij-o. Nde, Yawuri nab-e arik nggal, enlem nin nap na arik nggal-e lak me, ap pidsa innggiri wuruwa bug-o. Mbal Pem Nagawan misiget iri-ge ap pidsa-nen idnak Nagawan Indo-nen yusu-o. Ap pidsa-nen at ebem nggi yogola-ge, imbiringgat mende kwarat nggilara wok ondoso-o. Mbal Pem Nagawan engga mbarak pem-nen yosolar-e: ”Nagawan Indo unu luk, at wene mbo buwa nap oboksa-ge inmiri yuwa-o” luk yij-o.

Nde, ap nde wirik inpigit lak ma-ge, nggesa-nen aid wene yak undurag-o? Mbal Pem Nagawan engga mbarak pem-nen yosolar-e: ”Aid wene waruk mbitli nap iri-ge mondok konak lombog-o” luk yij-o.

Alat nde, it inndi angin tubu yigit lak woragolat-nen-e nggerak puruk-nen at wene mbo uburag-o? Nde, at obok kuligit lak woragolat-nen-e nggesa-nen at ebem inndi angin tubu yurag-o? Nde, aid wene yak undurak nab-e lak-nen-e nggesa-nen kulurag-o?

Musa-nen imiri mbarak pidnak wene na-ge Kerisut-nen ndak tak pidnak me, inndi-ge at ebem angin tubu yuwa nap pidsa-ge lud tak nak unpuwa-o.