Popular Bible Verses from MARAKUS 10

Share

Nde, Ap Ambara-ge at ndegel ubuwakluk lobok yij-e lag-o. Are, ap ndegel onposolat, ap pidsa inmiri yekluk at iminep wesel korayekluk lobok yamu-o” luk yij-o.

Yogolikma-ge, Yesus-nen it yik eneyasolat-nen yak ondosolar-e: ”Ki nap-nen inmiri yurag-e meya-t nde, Mbal Pem Nagawan-nen perak nde inmiri yurag-e ndak-net yusu-o. Mbal Pem Nagawan-nen yi mende ndi mende kwarurak iri-ge pidsa ndak-nen yusu-o” luk yak indij-o.

Yosoloma-ge, Yesus-nen at yak tosolar-e: ”Kat kindi angin tubu yigen iri na-net ki rak kebamu me, mbiri-o” luk yak tosoloma ereya na-net erengen-nen kaso kwat luk, Yesus imin mbirij-o.

Iri bem-e Mbal Pem Nagawan-nen misiget tak pidnak iri-ge ap-nen pinggirik purag-e mondok meya-o” luk yij-o.

Yosola-ge, Yesus-nen ap iri na yik karuk, abuwa kasoluk-nen yak tosolar-e: ”Kat-nen kwarurak mende-ge misiget nak keya bigen-o. Kat mburugundik kisilobulo pidsa onggo wanuruk, tol iri-ge insilobulo lak nap tembesa wok unduruk, lobok yosolar-e, an nimin ni-o. Iri yugundik pem-e, aid arem-nen silobulo kwarat wanugun-o” luk yak tij-o.

Mborosola-ge, Yesus-nen at yak tosolar-e: ”An-nen no kwat kuburak perasu-o?” luk kin wok obosoloma-ge, ap erengen ngguru-nen yosolar-e: ”Nggomo Nondoso Nap wa-e. An nerengen-nen kudtak irit nindingen-o” luk yij-o.

Alat nde, kir-e iri nggal kwarurak pug-o. Are, ta-nen nde kit kennggendumu yu me ap nggok yurak perasolar-e, kit ndegel konposo nap irit kwat mag-o.

An-e ndemeret yak kundusu-o. Ta-nen nde Mbal Pem Nagawan-nen tenagaidnak wi na li marik-nen wanugwi nggal wanili buk nab-e ar-e iri me mondok ngguwa bug-o” luk yij-o.

Alat nde, ap kwarat-nen yawo yu-nen nandug-et yili nab-e abok ma-o. Nde, yawo abok yili nab-e nanduk ma-o” luk yij-o.

Alat nde, tel korosolat-net yi mende ndi mende ndak worosolar-e, Mbal Pem Nagawan-nen ap min kwe min ndak wat enpamu-o. Iri bem-e ap-nen eid ija keya unpuruk, ogwe min misiget nak kwat yogolar-e, it enmbereg-e enpe misiget kwat yusu-o. Iri alar-e, ir-e mberen-e lag-o. Alat nde, enpe misiget-nen yusu-o.