Popular Bible Verses from YEREMIA 44

Share

“Kami in doíbí mokidongog kon onu in pinogumanmu kon inami pinodoyon kon tangoi i TUHAN. Bayongan inta ain pinodandi nami, in aidanbí doman nami. Kami in umuranbí moposumba in kuruban kon i Bokí in Soroga, bo mopobutak in tubig in anggur mobaḻí sosumba kon inia ná inta biasamai pomiaan kon kotá mita in Yohuda bo kon daḷan mita kon Yerusalem in mogoguyang nami, in datu mita bo in pojabat mita in pomarenta nami bo inami tontaní. Kon dodai intua kon inami in tugatbí in kaanon, kami in nobiag notompia, bo diábí in roriga onu bo onu nion.

Táe pinangkoi kon kami nogogai noposumba in kuruban kon i Bokí in Soroga, bo diádon nopobutak in anggur saḷaku sosumba kon inia, kami in kinodaitandon in bayongan yagi-yagi; intau mita nami in minatoi kon pinoparangan andeka popisí in ginogoi.”

Ki TUHAN in diádon mokoigon in mokoontong mako kon i monimu moposumba in kuruban kon ilah mita ibanea. Aidmu tua in moraat bo mokooyá. Moiko in binaradosadon kon i TUHAN bo diá motoindudui kon parenta-Nea mita. Tuamai tanaa doman mako butámu ain norimumud dá diádon motaau pogutunan, bo tangoinea in pinakédon nobaḻí kutukan. Intau inta mokoontong in mokoningkimbí.”