Popular Bible Verses from YEREMIA 38

Share

“Diá,” tubagku, “Ki Tuang datu in diábí ogoi kon i monia. Poigumonku totok sinbá ki Tuang datu in dumudui kon koyow i TUHAN; dá tua komintan in moḷapatbí, bo ki Tuang datu in diábí ḻimodon.

“Tuang datu Inta Momulia, aid in intau mita tatua in diábí mopia. Mosia in nopobonudon kon i Nabi Yeremia kon parigí; notantú bidon kon matoi in gogoy in sia kon tua, sin kaanon kon kotá tanaa in nodaitdon.” Bo ki datu in nomarenta kon i Ebed-Melekh, “Podiaaidon kon toḷu in intau bo poḷuaidon in ki Yeremia nongkon parigí tatua kon dodai in sia diápa matoi.”

Ki TUHAN in nopotabá kon inakó nopotaau in koyow tanaa kon rayat, “Kotá tanaa in ogoi-Ku kon tontara in Babel, bo mosia in monaḷowbí. Ki ine in mogutun kon bonu in kotá in matoibí kon bonu in parang, andeka matoi in gogoy andeka matoi in yampoi in takit. Táe ki ine in ḷumuai bo mobogoi in awak monia kon intau in Babel, yo diábí ḻimodon; nyawanea in mosaḷamatbí.” Ki Sepaca ki adí i Matan, ki Gedalya ki adí i Pasyhur, ki Yukhal ki adí i Selemya, bo ki Pasyhur ki adí i Malkia in nokodongog doman kon bayongan inta pinoguman-Ku tua.