Popular Bible Verses from YEREMIA 17

Share

Táe intau inta umandoḷ kon i-Nakó in umuran barakatan-Ku. Sia in naonda bo pangkoi in kayu kon bingkí in ongkag moiḻig; uakatnea in noidapot in tubig sia in diábí moondok kon sempo in poninggai daunnea mita in tantúbí moḷunow. Umpakabí butá inonag in singgai yo sia in diábí moḻia-ḻiaw in gina sin sia in umuran momungai.

Gina in intau diábí kodoḷopan, moiḻiu in licik nongkon bayongan yagi-yagi bo totuu mobogat in takitnea.

Akuoi, ki TUHAN monaridi kon gina, bonu in dodob in intau ujion-Ku kon batúan in intau tuḻían-Ku podudui in dodianea, bo aidan-Ku podudui in oaidnea.”

Ki TUHAN in noguman, “Aka intau monaḷámai kon i-Nakó, ki Tuhannea, bo umandoḷ kon intau poḷat umandoḷ kon ropotnea, dá hukumon-Ku in sia. Sia in naonda bo pinomuḷa inta nobiag kon rawang, kon tudu in butá noḷogat, noingongow bo noibung, diá kon dodai in onda in sia in mokorasa kon kopiaan.

TUHAN, undamaidon in akuoi, dá mopiadon in akuoi. Posaḷamatdon in akuoi, dá mosaḷamat in akuoi. Tongábí Iko in poḷantudonku!