Popular Bible Verses from KORINTUS 2 1

Share

Dinayo-dayowdon in ki Allah, inta ki Amá i Yesus Kristus, Tuhan naton. Sia tua in Amá inta totok in mopia in gina, bo inta tantú moginyopot kon gina in bayongan intau. Sia in tantú moginyopot kon gina nami kon dodai in kami kinoantugan in yoyiga, sahingga in nokosanggup doman in kami noginyopot kon gina in bayongan intau inta kinoantugan in yoyiga.

Yoyiga inta kinorasaan i Kristus nobayong domandon in kinorasaan nami. Lantaran ki Kristus tua, dá gina nami nobaḻídon noropot.

Sin nádon onda bo pinopoḷabúan in hukuman matoi. Tongá tua in nobaḻí mita sinbá kami in diá mopongata in ropot nami tontaní, táe umandoḷbí kon i Allah inta nobogoi in kobiagan kon intau.

Sin ki Allahbí in tantú nobogoi in ropot kon inami bo kon i monimu, sahingga in tantú notobatú i Kristus; bo Siabí doman tua inta nomiḻí kon i naton mobaḻí umat inta kinotabi-Nea. Tuamai totu-totuu bidon binaḻí-Nea umat-Nea in kita poḷat inogoian-Nea in Roho, pinogonú kon gina naton saḷaku jaminan kon totu-totuubí ogoi-Nea onu inta ain pinodandi-Nea.

Tuamai aka kami bo mokorasa kon yoyiga, yo tua in mangaḻenea moginyopotbí kon gina monimu, sinbá mosaḷamat in moiko. Aka gina nami bo moropot, yo moiko in moropotbí doman, dá mokotahang domandon in moiko wakutu in koantugan in bayongan yoyiga ná inta kinorasaan nami.