Popular Bible Verses from WAHYU 3

Share

Dinung! Aku minri hang hadapan wanawang nelang nalitik. Amun naan ulun sa karengei lenganku, palus nguka wanawang, aku sagar suluk manalu hanye; aku sagar kuman baya hanye nelang hanye kuman baya aku.

Aku karasa inun sa naulah naun; aku karasa naun puang marisak nelang puang pada malaing. Sabujurni naun isa teka yiru marisak atawa malaing! Kude naun hangat kuku; malaing puang, marisak sika puang. Daya sabab yiru naun sagar naluaku kaluar teka wuang wawaku.

Kawan ulun sa nasintaku, here yiru sa natagur nelang nahambat dayaku. Daya yiru ware naun basamangat, palus batobat teka kawan dosa naun.

Aku karasa inun sa naulah naun. Aku karasa himat naun puang hampe mansing; naun haut ngalut ajaranku nelang satia ma aku. Ma naun haut nauka isa wanawang sa puang tau natutup daya hie-hie.

Here sa manang, sagar aku ilewa maharung hang padudusanku baya aku, sameh kala aku pada haut manang nelang itati maharung baya Ambahku hang padudusanni.

Naun kaeau, ‘Kami tatau nelang saraba sukup; kami puang uweng kakurangen inun heneng.’ Kude naun puang karasa tuu leha susah nelang tuu ngampi hanang atei kawangunen naun! Naun paua, naun tabentur nelang pehe.

Daya naun haut nuu parentahku nampan utul, aku pada sagar nyalindung naun teka wayah kasusahen sa sagar meat litar dunia yiti. Hal yiru sagar jari pakai mansuba katuluh ulun hang ambau tane.

Aku hinang hawi! Jaga mamaeh inun sa naan hang naun, nampan puang uweng sunah erang kaulun hanrampas kadiah kamanangen teka naun.

Daya yiru, amuan palus ampikansing inun sa pagun naan hang naun katimpulu yiru huan matei. Daya aku kasasat inun sa naulah naun, huan uweng sunah isa saparuna hang hadapan Alatalla.