Popular Bible Verses from YAKOBUS 2

Share

Kalayiru pada anri parisaya, amun puang natantarang makai ulah gawini, maka parisaya yiru puang uweng riranni.

Nah, kala wangun tenga amun puang uweng roh, hanyeyiru tenga sa matei, kala yiru pada kaparisayaan amun puang nasinrah anri pagawian, kaparisayaan yiru matei.

Pulaksanai katuluh! Inun riranni ulun kaeau, “Aku ulun parisaya”, amun hanye puang nantarangni makai pagawianni? Inun tau parisaya kalayiru nyalamat hanye?

Angneh naun parisaya Alatalla ekat isa? Nah, kawan setan pada parisaya nelang here neter takut!

Tau pada naan sa kaeau, “Naan ulun sa mihanri hang parisayani nelang naan pada sa mihanri hang pagawianni.” Aku sagar nuing, “Tantarang ma aku kewangun ulun tau naan parisaya anri puang nasinrah sa pagawian kude aku sagar nantarang itetei pagawian aku baparisaya.”

Daya Alatalla puang sagar nantarang ahi lelo ma ulun sa puang kataru ahi lelo. Kude ahi lelo labis segah teka hukuman!

Bawilah tuu itati, ulun sa natarime anri maeh daya Alatalla gana pagawian sa naulah daya ulun yiru, puang ekat daya parisayani.

Hang yiti bawilah tuu parisaya harus nasinrah anri pagawian nampan jari paruna.