Popular Bible Verses from 2 KORINTUS 4

Share

Daya kami puang ekat ninung kawan hal sa haut dinung, malengkan hal sa puang dinung. Hal sa haut dinung ekat tahan erang pitus, kude hal sa puang dinung yiru tahan hampe palus ma kalalawah.

Yiru sababni kami puang putus asa, biar kami manyu lahir magin batambah rusak, kude manyu batin kami naulah jari wau tiap anrau. Nelang kasusahen sa puang sabarapa yiti, ekat erang pitus naingkam kami, sagar ngami hasil ma kami isa kasanangen sa luar biasa nelang palus ma kalalawah. Kasanangen yiru labis hante amun nabanding anri kasusahen yiru.

Kami nasarang teka awe-awe, kude kami puang tagapit. Kami kabingungan, kude kami puang hampe putus asa. Rama sa mamusuhi kami, kude puang suah budas kami welum raerai. Nelang biar gaha kami nakakasah, kude kami puang hampe matei.

Kude harata rohani sa bungas yiru insing kami hang tenga kami sa puang baharaga yiti sa naulah teka tane. Anri kalayiru lalea tuu pihante kuasa yiru naan hang Alatalla, puang hang kami.

Roh jahat sa nguasa dunia yiti nutup pikiran kawan ulun sa puang parisaya yiru. Roh yiru sa nahalang here nampan here puang kadinung raai teka Kabar Maeh yiru neu pihante Kristus, sa jari gambar Alatalla.

Alatalla sa kaeau, “Teka piieng hulet piraai,” Alatalla yiru pada sa ngami piraai yiru mawuang atei takam, nampan pikiran takam jari tarang neu mantaru pihante mulia Alatalla sa nyahaya hang uruwawa Kristus.