Popular Bible Verses from 1 PETRUS 4

Share

Labis teka ala katantuluhni, ware naun tuu-tuu sinta isa anri sa lain, daya anri ipansinta naun sagar basadia pada nampan ipangampun.

Naun maisasaan haut narime kawan pangamian balain-lain teka Alatalla. Daya yiru kala pangurus sa maeh teka kawan pangamian Alatalla, ware naun makai kamampuan yiru neu ma kaparluan katuluh.

Ulun sa nampe kabar, harus nampe kabar teka Alatalla; ulun sa malayanni ulun lain, harus malayanni makai kakuaten sa teka Alatalla, nampan hawuang katantuluh hal, Alatalla tau natawat namulia itetei Yesus Kristus. Hanye sa bakuasa nelang patut natawat namulia palus ma kalalawahni. Amen.

Kude amun naun nanggung kahanangen daya naun ulun Kristen, ada umangan daya hal yiru. Batarima kasih ma Alatalla, basa naun nginsing ngaran Kristus.

Ala katantuluh haut tiba pijumpuhanni, daya yiru wuah naun nguasa diri nelang hati-hati, nampan naun kaiyuh badoa.

Pulaksanai katuluh sa nasinta! Naun itati wuah kahanangen daya naun rahat nauji. Kude ada wauh, kakala naan ala sa luar biasa wuah naun. Likan, ware naun kaingkam sanang daya naun umba nanggung kahanangen baya anri Kristus. Kude hanrian amun pihante mulia Kristus nalalea, naun sagar arai mihewu.

Ware naun ipanarime isa anri salain hang lewu maisasaan, anri puang uweng kasasalen.

Daya yiru, amun naan kawan ulun sa nanggung kahanangen daya Alatalla ngabahumen kalayiru, ware kawan ulun yiru welum anri mawitu bujur nelang nyarah diri ma Isa ngulah here. Hanye sagar saratang nampalus janjini.

Daya Kristus haut wuah kahanangen manyu daging, naun pada harus ngampi kansing diri makai sara kala yiru. Daya ulun sa wuah kahanangen manyu daging puang lagi ngulah dosa. Daya yiru, ware naun salawah welum hang dunia yiti ngalut nuu kabahumen Alatalla, nelang puang mulur kabahirien murunsia.

Naun bauntung amun naun nakampahe daya gana naun umba Kristus. Yiru baarati Roh sa mulia, hanyeyiru Roh Alatalla, naan hang naun.