Popular Bible Verses from PAMMILANGNGANG 22

Share

Nampa Napa'jarimo Batara akkulle a'bicara anjo keledaia. Nakanamo anjo keledaia mae ri Bileam, “Apa gaukku mae ri katte karaeng sa'genna kitunrunga' sa'genna pintallung?”

Nampa Napa'jarimo Batara akkulle Bileam anciniki anjo malaeka'Na Batara niaka ammenteng anjoreng anna'gala' pa'dang ta'bi'bu'. Su'ju'mi linta' Bileam naung ri buttaya nampa anynyomba.

Akkuta'nammi malaeka'Na Batara angkana, “Angngapa nanutunrungi keledainu sa'genna pintallung? Battua' mae anrompaiko, nasaba' turu' ri panggappaku, tabajikai punna a'lampako.

Appialimi anjo keledaia angkana, “Sai anne inakke keledaita' salloamo tuli kibae? Apaka le'bakka' tamappilangngeria ri katte?” Appialimi Bileam angkana, “Tena”.

Appialimi Bileam angkana, “Nupakkarek-karenanga'! Ebara' angkana nia' pa'dang ri nakke, tena takubunonu!”

Nacini'na anjo malaeka'Na Batara, anra'bami naung anjo keledaia. A'jari larromi Bileam siagang natunrummi anjo keledaia siagang takkang.