Popular Bible Verses from MARKUS 14

Share

Nakana, “Bapa', o Bapa', tena tamakkulle a'jari punna Kierokang. Kipakabellami anne passessaya battu ri Nakke. Mingka teaKi' erokKu Kituruki, passangalinna erotTamo Kipa'jari.”

Nampa Nakana Isa ri ke'nanga, “A'jaga-jagako siagang appala' doangko sollanna tena natabako paccoba. Memang ero'ji nyawanu a'gau' tojeng, mingka tanukulleai nasaba' sipa'na rupataua lammai.”

Patappaki! Angkanaya, kemae-kemae ri sikontu linoa nipa'la'bang Kabara' Baji' battua ri Allata'ala, tuli lanicaritai siagang laniu'rangi tongi anne apa nagaukanga anne bainea, anjari pangngu'rangi mae ri ia.”

Nakanamo Isa ri ke'nanga, “Sanna' si'nana pa'maikKu, kamma Kusa'ring ero'maMa' mate. Ammantang mako anrinni siagang a'jaga-jaga mako!”

Ri wattunna angnganre ke'nanga, angngallemi roti Isa, nampa appala' sukkuru' ri Allata'ala. Le'baki anjo Nabage-bagemi anjo rotia siagang limanNa, nampa Natawa-tawai ana'-ana' gurunNa, na Nakana, “Allemi, siagang kanremi, iaminne pangngebarranna batangkalengKu.”

Le'baki anjo angngallemi se're canteng pangnginungang anggoro'. Appala' sukkuru'mi ri Allata'ala, nampa Napassareang anjo canteng le'baka nabonei anggoro' mae ri ana'-ana' gurunNa. Nainummi ana'-ana' gurunNa anjo anggoroka. Le'baki anjo Nakanamo Isa, “Iaminne pangngebarranna cerakKu, iamintu cera' nipasolonga untu' tau jaia, ampa'assayai parjanjianNa Allata'ala.

Le'baki anjo Nakanamo Isa ri ke'nanga, “Lalari ngasengko a'lampa ambokoiA'. Nasaba' nia' tattulisi' lalang ri Kittaka angkanaya, ‘LaNabunoi Allata'ala pakalawakinna, na tassia'-siara'mo gimbala'na.’

Ambangung ngaseng mako, umba ki'lampa. Ciniki: Battumi tau ampasikongkolangiA'!”

Nakanamo Isa, “U'rangi, angkanaya ia memanji anne bangngia, ri tenanapa napinruang attingkoko janganga, napintallung mako ansassaliA'.”