Popular Bible Verses from MATIUS 22

Share

Appialimi Isa Nakana, “Kamaseangi Karaeng Allata'alanu siagang sitepu atinnu, sitepu pa'mai'nu kammayatompa sitepu tallasa'nu. Iaminjo parenta lomoro' se'rea siagang kaminang parallua. Parenta makaruaya, sangkammaya parenta lomoro' se'rea iamintu: Kamaseangi parannu tau sangkamma todong nukamaseanna batangkalennu.

Sikontu atorang agama napassareanga Musa siagang napangngajarranga na'bi-na'bia battu anrinni ngaseng minne ri ruaya parenta.”

Kala'busang Nacaritana Isa anjo pangngebaranga Nakanamo, “Jai tau nikio' mingka sike'de'ji nipile.”

Nasaba' punna attallasa' poleangi sallang tau matea, tenamo nala'bunting poleang ke'nanga. Passangalinna lakammami ke'nanga malaekaka ri suruga.

PicinikiangsA' doe' akkullea nupake a'bayara' sima ri Karaenga!” Nisaremi ri ke'nanga se're doe' pera'. Akkuta'nammi Isa ri ke'nanga Nakana, “Inai pata gambara' siagang areng anne lalang ri doeka?” Appialimi ke'nanga angkana, “Karaenga pata gambara' siagang areng.” Nakanamo Isa ri ke'nanga, “Jari punna kamma, sareammi Karaenga apa napatanga Karaenga; nanusareang Allata'ala apa Napatanga Allata'ala.”