Popular Bible Verses from KAIMANGNGANG 26

Share

INakke larrurungangko; iNakke la'jari Allata'alanu, na ikau la'jari ummakKu.

lappaturungA' bosi punna narapi' wattunna, sa'genna angngerang wassele' buttaya siagang a'rappo poko' kayu rappo-rappoanga.

Punna nuturuki paratorang-paratorangKu siagang parenta-parentaKu lalang tallasa'nu

LaKujagai kaamananna pa'rasangannu sa'gennu akkulle tinro sannang siagang tena numalla' manna pole ri nai. LaKupa'lanynyaki sikamma olo'-olo' sekkeka battu ri pa'rasangannu, siagang latenamo pa'bundukang ri pa'rasangannu.

LaKubarakkakiko siagang laKupa'jari jai ana' cucunnu. Sikamma apa Kupa'janjianga mae ri kau mattantu laKurupainna.

INakke, Karaeng Allata'alanu, angngerangko assulu' battu ri butta Mesir sollanna tenamo nu'jari ata. Le'ba'mi Kutepoki kakoasang anjallakkangako, siagang Kupa'jari mako tau maradeka.”

NiakKa' lammantang ri alla'nu lalang ri KemaKu, siagang tena nalaKutollakko.

Nakana Batara, “Teako appareki barhala yareka teako appaentengi patung yareka benteng batu niukirika untu' nusomba. INakkemi Karaeng Allata'alanu.

Lalla'bi-la'bi wassele' buttanu, sa'genna angganna' lanukanre untu' sitaung. Ba'lalo tarpassa nupasuluki la'binna taung allaloa battu ri pammolikanna sollanna nia' tampa' pammolikang untu' kattoang berua.

poro lima bawang tau nakkulle nabeta musua sibilangngang siagang sibilangngang tau akkullei nabeta sampuloa sa'bu musu.

Lalla'bi-la'bi wassele'na buttanu, sa'genna akkatto ijako gandung, nanarapi'mo sedeng wattu pangngalleanna rappo anggoroka. Siagang punna narapi'mo wattunnu la'lamung gandung, tenapa nule'ba' angngalle ngasengi rappo anggoro'nu. Lagannaki kanre-kanreannu siagang lasalewangangi tallasa'nu lalang ri pa'rasangannu.

Lakkullei nubeta musu-musunnu

Pakalompoi allo-allo Pammari-marianga siagang allo-allo lompo agama maraengannaya, kammayatompa pakala'biriki tampa' le'baka nisa'la' untu' nipake anynyomba mae ri Nakke. INakkemi Batara.