Popular Bible Verses from 1 KORINTUS 1

Share

Nasaba' Nakunjungi memang tongi Allata'ala ampilei tau nicini' dongoka ri anne linoa; sollanna a'jari siri'-siri' tau cara'deka. Siagang Napile tommi Allata'ala tau nicini' lammaya ri anne linoa, sollanna a'jari siri'-siri' tau makassaka siagang magassinga ri anne linoa.

Nasaba' anjo kabara' kamateanNa Isa Almasi a'jari kabara' balle-ballei mae ri tau lamangea ri kapanrakanga. Mingka untu' ikatte tu nipasalamaka ri Allata'ala, anjo kabaraka iami a'jari pammatei ri Napa'nyatana kakoasanNa Allata'ala.

Nasaba' ia dongoka nicini' ri Allata'ala, iami la'bi poreangngang nakaporeanna rupataua. Na ia lammaya nicini' ri Allata'ala iami gassingangngang nakagassinganna rupataua.

Akkullei nipatappa' tojeng-tojeng Allata'ala. Iami Allata'ala le'baka angkiokko untu' a'jari se're siagang Ana'Na, iamintu Isa Almasi, Batarata.

Sikamma sari'battangku! Kupalaki, lalang arenNa Batarata Isa Almasi, sollannu a'julu kana; sollanna tena nanusisa'la'-sa'la'. Paralluko a'jari se're, a'julu ati siagang a'julu pikkirang.

Jari, apa matu-matunna anjo tau niaka pangngassenganna? Apa matu-matunna sikamma anjo tau cara'deka? Apa matu-matunna tu panritaya ri anne linoa? Le'ba'mi Napakasingara' Allata'ala angkanaya kaporeanna anne linoa poro balle-balle lompo bawang!