Popular Bible Verses from ROMA 4

Share

Salerana paggun parcaja sareng ta' mangmang ka se edhabuwagi Allah. La'-mala' lantaran imanna gapaneka salerana atamba kowat, sampe' gung-ngagungngagi Allah. Ibrahim ce' parcajana ja' Allah bisa alampa'agi ponapa saos se ejanjiyagi salerana.

Sabab Allah adhabu sapaneka ka Ibrahim, “Bi' Sengko' ba'na epadaddi ramana sa-bangsa sabannya'na.” Daddi Allah apareng janji gapaneka ka Ibrahim, ban Ibrahim parcaja ka Allah, se maodhi' oreng mate, se coma kalaban dhabuna bisa mabadha pa-ponapa se sabellunna tadha'.

Sareng Allah pas epaodhi' pole kaangguy apareng jalan ka manossa sopaja hubunganna sareng Salerana sae pole.

Ibrahim terros parcaja ban ngarep, maske tadha' pangarep pole. Polana ganeka salerana epadaddi ramana sa-bangsa sabannya'na. Akadi se esebbuttagi e dhalem Alketab, “Toronanna ba'na bakal bannya'a parana.”

Daddi janjina Allah gapaneka edhasarragi ka parcajana oreng ka Allah. Ganeka menangka tanggungan ka sadajana toronanna Ibrahim ja' janji gapaneka eparengngagi ka reng-oreng gapaneka menangka papareng se ma-coma dhari Allah; banne pera' ka reng-oreng se atoro' ka hokomma agama Yahudi malolo, tape jugan ka reng-oreng se parcaja ka Allah akadi Ibrahim se parcaja ka Salerana. Sabab Ibrahim paneka ramana sampeyan sareng kaula sadaja sacara rohani.

“Salamet bahagia ka oreng se kasala'an-kasala'anna esapora ban sa-dusana la ebendhem bi' Allah! Salamet bahagia ka oreng se sa-dusana ta' egugat bi' Allah!”

E dhalem Alketab esebbuttagi, “Ibrahim parcaja ka Allah, ban polana kaparcaja'anna jareya salerana etarema bi' Allah menangka oreng se masenneng panggaliyanna Allah.”