Popular Bible Verses from JABUR 63

Share

Jaburra Daud, e bakto badha e ra-ara Yehuda.

Edine abdidalem mandeng Junandalem e kalenggiyanna, sopaja nengale kakowadan sareng kaagungannepon Junandalem.

Kataresna'annepon Junandalem aarga'an dhari odhi', daddi abdidalem ngagungngagi Junandalem.

Ya Allah, Junandalem Allah abdidalem, abdidalem nyare'e sareng kerrong ka Junandalem. Akadi tana kajal se terro ka aeng, saka'dhinto jugan abdidalem ce' terrona tapanggiya sareng Junandalem.

E bakto dhung-tedhungan abdidalem emot ka Junandalem; samalem benteng abdidalem mekkere Junandalem, sabab Junandalem se nolong abdidalem; e babana kalembangngepon Junandalem abdidalem ngaop sambi anyanye kalaban ate gumbira.

Abdidalem amolja'agi Junandalem sambi asorak, sabab sokma abdidalem sareng Junandalem epakennyang, akadi se eparenge teddha'an se nyaman.