Popular Bible Verses from JABUR 139

Share

Abdidalem ngagungngagi Junandalem sabab Junandalem talebat lowar biyasa! Sadaja se elampa'agi Junandalem ajib sareng makasambu' ate, abdidalem apangrasa onggu parkara gapaneka.

Talektegi abdidalem, Guste Allah, oladi essena ate ka'dhinto, ojiyagi abdidalem, sopaja Junandalem ngagali ka pekkeran abdidalem. Oladi manabi badha kajahadan e aba' abdidalem, sareng tontonnagi abdidalem e jalan se langgeng.

Junandalem nyepta'agi saneyap bagiyan badan abdidalem, abadhi abdidalem e dhalem gandhu'annepon ebu.

Junandalem ngoladi abdidalem e bakto abdidalem gi' badha e dhalem gandhu'annepon ebu; sadajana ampon ecathet e ketappepon Junandalem; re-arena ampon etantowagi sabellunnepon badha se emolae.

Kaangguy pamimpinna koor. Jaburra Daud. GUSTE, Junandalem nalektegi abdidalem sareng ngagali kabadha'annepon abdidalem.

Ka ka'dhimma abdidalem nyengga'a sopaja lopoda dhari kobasaepon Junandalem? Ka ka'dhimma abdidalem se buruwa ajauwi Junandalem?

Junandalem ngagali sadaja se elakone abdidalem; dhari jauna Junandalem ampon ngagali ponapa se epekker abdidalem.

La'-mala' sabellunnepon abdidalem acaca, Junandalem ampon ngagali ponapa se ekoca'agiya abdidalem.

Junandalem ngoladi abdidalem, e bakto abdidalem alalakon otaba bu-ambu lesso, Junandalem ngagali sadaja se elakone abdidalem.