Popular Bible Verses from JABUR 119

Share

Dhabuwepon Junandalem daddi damar se nera'e tengka' abdidalem, cajana nera'e jalan abdidalem.

Pangajarannepon Junandalem sareng abdidalem esempen e dhalem ate, sopaja abdidalem ta' kantosa dusa ka Junandalem.

Oreng ngodha bisa ajaga sopaja odhi'na teptep tadha' calena manabi atoro' papakonnepon Junandalem.

Pojur oreng se atoro' ka papakonna, sarta kalaban gu-onggu ate aehteyar terro kennala ka Pangeran.

Junandalem se abillai sareng ngaobi abdidalem, abdidalem ngarep ka janjiepon Junandalem.

Pangarteyagi abdidalem ka hokommepon Junandalem sopaja etoro' sareng abdidalem, ejalannagi kalaban gu-onggu ate.

Parenge abdidalem pangaterro kaangguy ta'at ka kom-hokommepon Junandalem, ngalangkonge pangaterro se sogiya.

Pajat sae abdidalem eokom sareng Junandalem, sopaja abdidalem onenga ka sadajana katantowannepon Junandalem.

Se alepor abdidalem e dhalem kasangsara'an, enggi ka'dhinto janjiepon Junandalem maodhi' abdidalem.

Moga abdidalem kokowa neggu'i papakonnepon Junandalem, sabab gapaneka se ekasennengnge abdidalem.

Ngereng ajari abdidalem, GUSTE, artena sadaja atorannepon Junandalem, sopaja abdidalem kengeng atoro' kantos aher.

Ate abdidalem ancor lantaran sossa, pakowattagi abdidalem menorot janjiepon Junandalem.

Saponapa estona abdidalem ka hokommepon Junandalem, Guste, sareng abdidalem epekker saare benteng.