Popular Bible Verses from JABUR 103

Share

Mara molja'agi PANGERAN, tang sokma, ja' kaloppae kasaeyanna Salerana!

Salerana se nyapora sakabbinna dusana ba'na, se mabaras sakabbinna panyakedda ba'na, Salerana se malopot nyabana ba'na dhari koburan, se marenge ba'na kataresna'an ban kabellasan se talebat bannya'na. Salerana se marenge odhi'na ba'na sabarang se becce' se ta' korang bannya'na sampe' ba'na teptep ngodha akantha mano' ellang raja.

Dhari Daud. Mara molja'agi PANGERAN, tang sokma, tang ate, mara molja'agi asmana se socce.

Akantha oreng lake' se neser ka na'-ana'na, kantha jareya taresnana PANGERAN ka oreng se alem.

Akantha jauna temor dhari bara', sajareya keya jauna Salerana mowang sa-dusana sengko' ban ba'na.

Sabab PANGERAN reya bellas ase, lanjang sabbarra ban kataresna'anna talebat rajana.

Pangeran ta' ngokom sengko' ban ba'na satembang ban dusana, otabana apareng babales ka sengko' ban ba'na satembang ban kasala'anna. Tape padha ban tenggina langnge' e attassa bume, sajareya rajana kataresna'anna ka oreng se alem.

PANGERAN marenta e sowarga; Salerana jareya rato se ngobasane sakabbinna.