Roba se raddin ta' ekenneng parcaja, raddinna mowa bisa elang;
tape babine' se ta'at ka PANGERAN pantes ealem salanjangnga.

Babine' jareya ehormat ban ekatako'e oreng,
ta' kobater ngadhebbi bakto e budhi are.
Pacacana lemma' manes ce' alossa;
ca'-oca'na bicaksana.

Ta' cerre' ka oreng se kakorangan,
bagus atena ka oreng se marlowagi partolongan.

Bine se cakep malarat sareyanna;
bine se kantha jareya alarangan dhari enten ban barleyan.

Bales kabecce'anna,
jareya babine' se patot ehormadi e man-dhimman.

Babine' jareya ehormat bi' na'-ana'na,
sarta ealem bi' lakena.

Popular Bible Verses from BANGSALAN 31

Free Reading Plans and Devotionals related to BANGSALAN 31