Popular Bible Verses from BANGSALAN 22

Share

Ajari na'-kana' carana odhi' se teppa', sampe' towana kana' jareya tanto odhi' kantha jareya.

Oreng se ta'at ka PANGERAN ban andhap asor tengkana bakal sennengnga, ma'mor ban ehormadi odhi'na.

Nyama se bagus lebbi aji etembang arta sabannya'na; ekataresnae oreng lebbi becce' etembang eberri' emmas ban salaka.

Ja' apolongan ban oreng se lekkas peggel ban se ceppet panas atena.

Oreng se bagus atena eberkadi Pangeran, polana gi-magi rajekkena ka oreng se kakorangan.

Oreng bicaksana majau mon nangale babaja; oreng budhu ajalan terros sampe' calaka'.

Oreng sogi ngobasane oreng mesken; oreng se ngenjam ngobasane se maenjame.

Oreng sogi ban oreng mesken padha bai e dhalem settong parkara, iya areya: padha cepta'anna PANGERAN.

Ja' marogi oreng mesken, pera' lantaran oreng mesken jareya ta' andhi' kakowadan; ban mon e pangadilan ja' nyek-ngenyek oreng se ta' bisa apa-rapa. Sabab PANGERAN bakal nolongana reng-oreng jareya e dhalem parkarana, ban bakal nyabuda nyabana oreng se nendhes reng-oreng jareya.