Popular Bible Verses from ETONGAN 14

Share

Ja' ango'ngo'an ka PANGERAN, ban pole ta' osa tako' ka reng-oreng se badha e nagara rowa. Gampang mon gun makala'a bangsa se badha e nagara jareya, sabab ba'na etolonge PANGERAN. Dineng se nolonge ban se esemba bangsa jareya la epakala bi' PANGERAN, daddi ta' osa tako'.”

‘Sengko', PANGERAN, ta' gampang peggel, Sengko' taresna ban esto parana. Sengko' aberri' sapora ka oreng se dusa otaba se ta' atoro' ka Tang parenta. Tape Sengko' masthe ngokom na'-ana'na ban poy-kompoyya oreng se andhi' dusa, sampe' toronanna se kapeng tello' otaba se kapeng empa'.’

Mon daddi karsana PANGERAN, sengko' ban ba'na tanto ebakta kabbi dha' essa', nagara se landhu ban ma'mor jareya tanto eparengngagi ka ba'na.

Tape Tang abdi se anyama Kaleb ta' padha ban reng-oreng laenna, sarta teptep esto ka Sengko'. Daddi bi' Sengko' Kaleb jareya egiba'a maso' ka nagara se etalektegi aba'na rowa, ban na' potona bakal ngaandhi'a nagara jareya

Kassa' kabala ka reng-oreng jareya, koca' kantha reya: PANGERAN adhabu kantha reya, ‘Sengko' asompa demi Sengko' dibi' se odhi' ja' apa se ekoca'agi ba'na ka Sengko' bi' Sengko' ekabbulana. Sengko', PANGERAN, la ngoca'.

Dhabuna PANGERAN ka Mosa, “Ba' sampe' bila reng-oreng reya se terrosa pek-ngacepek ango'ngo'an ka Sengko'? Ba' sampe'a bila se ta' parcaja'a ka Sengko', maske Sengko' la pan-barampan kale mabadha kaajiban e adha'anna?

Kabbi padha ango'ngo'an ka Mosa ban Harun, sambi ngoca' kantha reya, “Mon cara paneka bango'an mateya e Messer, otabana e ra-ara paneka.

Tape Yusak ana'na Nun ban Kaleb ana'na Yefune, se tamaso' ta-mata se eotos kaangguy nalektegi Kana'an rowa, nyebbit kalambina menangka tandha ja' rentek atena, pas ngoca' kantha reya ka reng-oreng se badha e jadhiya, “Sengko' padha noro' nalektegi nagara rowa, tanana landhu.

Tape Sengko' ajanji, demi Sengko' dibi' se odhi' ban kobasa e bume reya, dhari sakabbinna oreng Isra'il se gi' odhi' sateya reya, tadha' settonga se bisa'a noro' maso' ka nagara Kana'an, sabab e bakto jareya reng-oreng reya la bakal padha'a mate kabbi. Reng-oreng Isra'il reya la nangale'e sonar kahadiranna Sengko' se masolap matana, sarta nangale'e kaajiban-kaajiban se epabadha Sengko' e Messer ban e ra-ara, tape reng-oreng jareya li-baliyan mapeggel Sengko' ban ta' endha' atoro' ka Tang parenta. Reng-oreng jareya bakal tadha'a settonga se bisa'a noro' maso' ka nagara se bi' Sengko' ejanjiyagi ka bangatowana. Dhari reng-oreng se ta' atoro' ka Tang parenta tadha' se bisa'a maso' ka nagara jareya.