Popular Bible Verses from MARKUS 6

Share

Ce' bannya'na oreng se ondur dhateng sampe' Isa ban red-moredda ta' sempat adha'ar. Daddi Isa adhabu ka red-moredda, “Mara nyare kennengngan se seppe me' olle ta' eganggu oreng, ban ba'na padha bisa bu-ambu lesso sakejja'.”

Isa laju adhabu ka reng-oreng jareya, “Nabbi reya neng e man-dhimman ehormat oreng, kajabana e kampongnga dibi' sarta bi' la-balana dibi'.”

E bakto toron dhari paraona Isa ngoladi bannya' oreng e jadhiya. Panggaliyanna arassa neser ka reng-oreng jareya, sabab akantha dumba se tadha' oreng ngowanna. Daddi Isa laju morok reng-oreng jareya parkara se acem-macem.

E jadhiya Isa ta' bisa mabadha kaajiban maske settonga, kajabana agagap reng-oreng sake' sarta mabaras reng-oreng jareya. Salerana heran polana reng-oreng jareya ta' parcaja. Saellana jareya Isa meyos ka pong-kampong e kangan kacerra kennengngan jareya, pas morok e jadhiya.

Isa pas mondhut roti se lema meggi' ban juko' se dhu meggi' rowa, laju adhanga ka langnge', asokkor ka Allah. Saellana jareya, rotina ethok-ketthok bi' astana, laju eparengngagi ka red-moredda epakon parengngagi ka oreng se bannya' jareya. Juko'na se dhadhuwa' ebagi keya ka reng-oreng jareya. Kabbi padha ngakan sampe' kennyang. Red-moredda makompol karena, bannya'na kabbi dhubellas budhak, sa'-possa'.