Popular Bible Verses from MARKUS 2

Share

Isa meyarsa partanya'anna reng-oreng jareya, laju adhabu, “Oreng se baras ta' parlo dokter; se parlo dokter oreng se sake'. Sengko' dhateng ngologa reng-oreng se eanggep juba', banne ngologa reng-oreng se nganggep aba'na la becce'.”

E bakto ngoladi saapa rajana imanna reng-oreng jareya, Isa laju adhabu ka se empon, “Na', sa-dusana ba'na la esapora.”

Isa laju adhabu pole, “Are Sabat reya epabadha kaangguy manossa; banne manossa kaangguy are Sabat.

Tape sarrena oreng talebat bannya'na, oreng se empon jareya ta' ekenneng giba maso' sampe' ka seddi'na Isa. Daddi, oreng se kaempa gella' abungkar ata'na bengko jareya teppa' e attassa kennengngan se elenggi'i Isa. Saellana alobang, se empon epatoron ban tekerra.

Tape sateya Sengko' abukteyagiya ka ba'na ja' Pottrana Manossa e bume reya andhi' kobasa nyapora dusa.” Isa laju adhabu ka oreng se empon gella', “Mara jaga, kala' tekerra pas mole!”

Kemma gampang ngoca' ka oreng se empon reya: ‘Dusana ba'na la esapora’, otaba ngoca', ‘Mara jaga, kala' tekerra pas ajalan’?

Oreng jareya jaga laju duli ngala' tekerra, terros kalowar eabassagi reng-oreng se badha e jadhiya. Reng-oreng jareya padha kasambu' kabbi laju amolja'agi Allah. Oca'na, “Sengko' sajjegga ta' tao nangale'e kadaddiyan se kantha reya!”