Popular Bible Verses from MATIYUS 28

Share

Daddi mara entar ka sakabbiyanna bangsa e sabingkerra dunnya, padaddi Tang mored kabbi. Baptis sakabbiyanna bangsa jareya kalaban nyebbut asmana Rama ban Pottra ban Errohna Allah. Ajari kabbi sopaja padha'a ta'at ka pa-apa se la eparenta'agi Sengko' ka ba'na. Ban kaenga'e, ya, Sengko' abarengngana ba'na terros sampe' are keyamat.”

Isa pas nyander ka seddi'na red-moredda jareya, laju adhabu, “Sakabbiyanna kobasa e sowarga ban e bume la epassra'agi ka Sengko'.

Dhabuna malaekat jareya ka babine'an gella', “Ba'na ta' osa tako'! Sengko' tao ba'na padha nyare Isa se esalib rowa. Sateya la tadha' e dhinna', la abungo akantha se la edhabuwagi dibi' sabbanna. Mara dha' enna', reya' abas kennengnganna pasareyanna.

“Ta' osa tako',” ca'na dhabuna ka reng-oreng jareya, “kassa' kabala ka Tang tan-taretan, soro padha entar ka Galilea; e dhissa' reng-oreng jareya bakal tatemmowa ban Sengko'.”

Mam-imam kapala aparembagan ban pin-pamimpin Yahudi; tantara se ajaga gella' padha eberri'i pesse sabannya'na, laju ebalai kantha reya, “Ba'na kodu ngoca' ja' red-moredda Isa entar ka makamma e bakto malem, sarta ngeco' jinazana teppa'na ba'na padha tedhung. Ban mon parkara jareya epeyarsa gubennor, ban sengko' ecaca'ana me' olle parcaja ban ba'na me' olle ta' nemmo karekongan pa-apa.” Tantara se ajaga jareya nampane pesse gella', ban ajalannagi akantha se epessennagi ka aba'na. Daddi sampe' sateya careta jareya gi' ekacaca e kalanganna oreng Yahudi.