Popular Bible Verses from MATIYUS 26

Share

Mara, ra, aga-jaga ban nyo'on ka Allah sopaja ba'na ja' sampe' ekenneng coba. Pajat errohna ba'na endha' ajalannagi barang se bendher tape ba'na ta' bisa, sabab tabi'adda manossa reya ta' kowat.”

laju adhabu ka se katello gella', “Tang ate ce' sossana, rassana Sengko' reya akantha se mateya. Ba'na neng e dhinna', ya, ban aga-jaga ban Sengko'.”

Isa pas alomampa abak ka dhalemman, laju asojud sampe' ka tana sarta adu'a, “Rama,” dhabuna, “manabi kengeng, jauwagi dhari Abdidalem kasangsara'an se kodu etanggung Abdidalem ka'dhinto'. Namong menorot kasokannepon Junandalem, banne menorot karep Abdidalem.”

Sabab reya Tang dhara se maessa parjanjiyanna Allah – dhara se epangalocor kaangguy oreng bannya' sopaja dusana esapora.

Teppa'na Isa ban red-moredda padha adha'ar, Isa mondhut roti sakerra', laju asokkor ka Allah. Saellana jareya roti buru ethok-ketthok bi' astana laju eparengngagi ka red-moredda sambi adhabu, “Mara kala', pas kakan; areya' Tang badan.”

Saellana jareya Isa pas mondhut tobung se aesse anggur, laju asokkor ka Allah. Tobung jareya pas eparengngagi ka red-moredda, sambi adhabu, “Mara ba'na ngenom kabbi.

Isa pas abali ka moredda se katello ban se katello jareya etemmo tedhung. Dhabuna Isa ka Petrus, “Pera' saejjam balakka' ba'na ta' bisa aga-jaga bi' Sengko', ya?

Paparcaja, ya: Sengko' ta' ngenoma anggur reya pole sampe' baktona sengko' ngenom anggur se anyar ban ba'na kabbi e Dunnyana Tang Rama Se Anyar.”

Ban Petrus pas enga' ja' Isa la adhabu ka aba'na, “Sabellunna ajam akongko' ba'na bakal mongkerana Sengko' tello kale.” Petrus pas kalowar, ban nanges ce' ngennessa.

Mara jaga, kalowar dhari dhinna'. Abas! Oreng se akiyanadi Sengko' la dhateng!”

Isa adhabu ka moredda jareya, “Maso'agi peddhangnga jareya ka barangkana, sabab oreng se aguna'agi peddhangnga bakal mateya bi' peddhang.