Popular Bible Verses from MATIYUS 24

Share

Kajahadan bakal alatlada san-kassannagi sampe' bannya' oreng se ta' andhi' ate taresna pole. Tape pa'-sapa'a se koko emanna sampe' ka aherra, bakal salamedda.

Ban Kabar Bagus parkara Allah se marenta bakal eberta'agiya sampe' balattra sadunnya, sopaja oreng padha'a ngedhing kabbi. Saellana jareya buru keyamat.”

Ba'na bakal ngedhinga garudhu'na paperrangan ban bar-kabar parkara paperrangan, tape ba'na ta' osa tako'. Jareya kabbi kodu kalakon, tape jareya ta' ekenneng arte'e ja' la dhapa' baktona keyamat.

Bangsa se settong bakal aperranga ban bangsa laenna, ban nagara se settong bakal nyerranga nagara laenna. E man-dhimman bakal badha'a babaja kalaparan ban lendhu. Jareya kabbi pera' parmola'an, akantha sake' tabu' se ekarassa bi' babine' se rembi'a.

Langnge' ban bume bakal mosna'a, tape Tang oca' bakal teptebba salanjangnga.”

Sabab bannya' oreng se bakal dhatengnga kalaban ngangguy Tang nyama sarta ngoca', ‘Sengko' reya Rato Panyalamet!’ Reng-oreng jareya bakal nepowa oreng bannya'.

Saellana jareya ba'na bakal padha'a epega' ban epassra'agi kaangguy eseksa otaba epate'e. Oreng sadunnya bakal baji'a ka ba'na polana ba'na daddi Tang mored. E bakto jareya bakal bannya'a oreng se mortad, padha saleng kiyanat ban padha saleng ngabaji'i. Bakal bannya'a nabbi palsu, ban nepo oreng bannya'.

Dhabuna Isa, “Pate-ngate, ya, ja' sampe' ba'na ekenneng tepo.

Daddi, ba'na kodu aya-sadhiya. Sabab Pottrana Manossa bakal rabuwa e bakto se bi' ba'na ta' eka-sangka.”

Daddi te-ngate, ya, sabab ba'na ta' tao bila Pangeranna ba'na se rabuwa.

“Tadha' se taowa bila are ban ejjamma, maske kat-malaekat e sowarga ta' tao keya, bariya keya Pottrana Allah, pera' Rama malolo se ngagali.

Sabab bakal dhatengnga panyalamet-panyalamet se palsu ban bi-nabbi se palsu. Reng-oreng jareya bakal mabadha'a kon-lalakon se lowar biyasa, sarta kaajiban-kaajiban kaangguy nepo oreng, ja' ekennenga rowa, ommat peleyanna Allah keya.

Mon Pottrana Manossa la dhateng, kabadha'anna bakal padha'a ban jamanna Ennoh lamba'. Sabellunna banjir raja rowa, reng-oreng kan-ngakan ban ngenom, alake ban abine. Kantha jareya ros-terrosan sampe' napa' ka baktona Ennoh maso'a ka dhalem kapalla. E bakto banjir dhateng, reng-oreng jareya buru apangrasa badha kadaddiyan apa. Bariya keya kabadha'anna mon Pottrana Manossa rabu.