Popular Bible Verses from MATIYUS 13

Share

Ban ne-bine se gaggar e tana se landhu parompama'anna oreng se ngedhing kabar jareya sarta paham ka essena. Ne-bine jareya abuwa bannya', badha se hasella saratos kalena, badha se sabidak kalena, ban badha se tello polo kalena.”

Ne-bine se gaggar e ombut se bannya' dhurina parompama'anna oreng se ngedhing kabar jareya, tape kobater parkara odhi'na dibi' sarta terro odhi'a mewah. Daddi kabar dhari Allah tacecce' e dhalem atena sampe' ta' abuwa.

Ne-bine se gaggar e lorong rowa parompama'anna oreng se ngedhing kabar parkara baramma Allah se marenta, tape ta' ngarte. Se Jahat dhateng arampas pa-apa se la etabur e dhalem atena.

Ne-bine se gaggar e kennengngan se bannya' batona, parompama'anna oreng se ngedhing kabar jareya, terros etarema kalaban senneng ate. Tape kabar jareya ta' aramo' e dhalem atena, daddi ta' abit cekka'na. Buru nemmo kasossa'an otabana ekaneyaja oreng polana kabar jareya, pas mortad.

“Mon Allah marenta, kabadha'anna padha ban parompama'an reya: badha arta se tabendhem e dhalem tana, pas etemmo oreng, laju emaso'agi pole ka dhalem tana. Saellana jareya, dhari gumbirana, oreng jareya ajuwal sakabbiyanna dhi'-andhi'na, laju abali pole, melle tana jareya.”

Tape badha keya ne-bine se gaggar ka tana se landhu, laju abuwa; badha se saratos kalena bannya'na, badha keya se sabidak kalena ban badha keya se tello polo kalena.”

Dina panneng lalang jareya me' olle tombu ban gandum sampe' baktona anye. Sengko' pas ngoca'a kantha reya ka reng-oreng se anye: Pakompol gallu lalangnga, tale'e, pas obbar. Saellana jareya pas pakompol gandumma, pas sempen e lombung.’ ”