Popular Bible Verses from IMAMAT 26

Share

Sengko' abarengngana ba'na terros; Sengko' daddiya Allahna ba'na ban ba'na daddiya Tang ommat.

Sengko' matorona ojan teppa' baktona, sopaja tana madhatengnga hasel ban ka'-bungka'an abuwa'a.

Mon ba'na e dhalem odhi'na atoro' ka Tang atoran-atoran ban ka Tang ta-parenta

Sengko' ajaga'a kaamananna nagarana ba'na sopaja ba'na ngennenga tedhung taremtem ban ta' tako' ka sapa'a bai. Run-burun alas se babaja epamosna'a dhari nagarana ba'na, ban ta' kera badha perrang pole e nagarana ba'na.

Bi' Sengko' ba'na eberkadana ban epabannya'a na' potona. Apa se la ejanjiyagi Sengko' ka ba'na tanto eteptebbi bi' Sengko'.

Sengko' reya PANGERAN, Allahna ba'na, se ngeba ba'na kalowar dhari Messer sopaja ba'na ta' ekadunora oreng pole. Kakobasa'an se nyeksa ba'na la epotel bi' Sengko', ban ba'na la epamardika.”

Sengko' badha'a e nga'-tengnga'anna ba'na e dhalem Tang Kemah Socce, ban Sengko' ta' nolaga ba'na.

Dhabuna PANGERAN, “Ba'na ja' agabay brahala otaba arca otabana pelar bato otabana bato se eoker kaangguy esemba. Sengko' reya PANGERAN, Allahna ba'na.

Hasella tanana ba'na bakal talebat bannya'a sampe' cokop ekakan sataon. La'-mala' ba'na bakal tapaksa'a makalowar lebbina hasella tanana se laju sopaja ngennenga nyempen hasella tanana se anyar.

ba'na kalema bakal ngennenga makala moso saratos, ban ba'na saratos bakal ngennenga makala moso sapolo ebu.

Hasella tanana ba'na bakal talebat bannya'a, sampe' mon la dhapa' baktona molonga anggur, ba'na gi' bakal teppa'na anye gandum. Ban mon la napa' baktona namenna gandum, ba'na gi' bakal teppa'na molong buwana anggur. Ba'na bakal ta' kakorangana kakan ban odhi' aman taremtem e nagarana.

Ba'na bakal mennanga ka so-mosona

Raya'agi re-are Sabat ban hormadi kennengngan se pera' eangguy nyemba ka Sengko' malolo. Sengko' reya PANGERAN.