Popular Bible Verses from ROMA 9

Share

Jadi kaputusan nu Tumpu aijo' madi' mintoong i kasanangan nu kinyonyoa nu mian, kabai anu nubau nu mian, panyo ola samata-mata kanonongan nu Tumpu toka hi mian anu pinile'an-Nyomo aijo'.

Kalana Tumpu notatae hi Musa, “Aku mompotoaje balakat hi mian anu Ku kahanda'i pompotoan balakat, ka' Ku potoaje na kalibosan hi mian anu Ku kahanda'i pompotoan kalibosan”.

Panyo, kita Utus! Kita Utus ola mian. Ka' kita Utus madi' timbali baani montaami Tumpu! Te timbali na tampat nu bunga mompokilawa hi mian anu nombau, “Ka' kadaka' beleyum nombau aku sumo aiya?”

Jadi, Tumpu mongkalibosi batu-batu mian, de Tumpu Allah ko kahanda' sumo aitu. Ka' Tumpu mompopanggaga samian, de Tumpu ko kahanda' sumo aijo' suele.

Te misa' mian anu nombau tampat nu bunga aijo' ko hak mombau tano' kun aijo' iyaamo pongka'oho'nyo? Sangkompon na tano' kun, mian aijo' ko hak mombau ohua' na ngahannyo na tampat nu bunga: sa'angu' ma'ima' ka' sangga'at madi' talalo ma'ima'.