Popular Bible Verses from ROMA 13

Share

O'asanakon hi Tumpu Yesus Kristus na mompotantu apaa na anu tionyo o bau miu. Ka' boli mombatuki kalakuan nu mian anu baladosa', kahanda' mati ko osai napisu.

Boli basamaya' apa-apaa mau mule' pa' hi he. Boli mompiakon basamaya' nu liibos hi samian ka' samian. Kalana mian anu mongkalibosi sangko mian nontulutimo atulan iwi-iwi' i Musa.

Toto samian tionyo mohongo-hongo pamalentah, kalana madi' ko Pamalentah anu madi' mohumpak kuasa lengkat mae hi Tumpu. Ka' pamalentah anu uuka aiya, mompojalan kuasanyo kalana palentah anu lengkat mae hi Tumpu.

Pihi ko mingko-mingkotnyomo; ka' daagi' sasaidi' majingkamo. Jadi, sahanyo kita bolimo solaa' mombau anu i uno nu pintung. Kita tionyo montoukaimo butongto nu toongon ponjagai butong aijo'mo jingka.

Mian anu mongkalibosi mian sangga'at, madi' mombau anu ma'idek hi mian aijo'. Jadi mian anu mongkalibosi sangko miannyo, aijo'mo na mian anu nontulutimo iwi-iwi' na jalan nu atulan nu agama.

Jadi o bayan hi pamalentah apaa na anu tionyo o bayan nu kita Utus hi ia. O bayan na hasin de kita Utus tionyo mombayan hasin; ka' bea o bayan de kita Utus tionyo mombayan bea. O'angga'i na aha de anu tionyo o'angga'i, ka' o'adati na aha de anu tionyo o'adati.