Popular Bible Verses from AMSAL 3

Share

Opalesaya na Tumpu nu kinyonyoa totu-totu'u ka' boli montaha'imani posi pangalati'an nu belemiu. O'inau' na Tumpu i sinin na han apaa na kahanda' nu bau, sahingga Nu potiju'je hi belemiu mosia na kantumuu'an anu talakana'.

Boli monsangka' butong nu belemiu lebe pande molingkuduimo anu memang ahi' sahondo-hondonyo; otuluti na Tumpu ka' opimpali' na anu ma'idek.

O adati na Tumpu nu anu osombahkon hi Ia, anu talalo hondo ma'ima' na halata' ka' isi nu ale' nu beleyum, sahingga iwi-iwi' na alang nu belemiu mobuke'mo nu gandum ka' anggur nu belemiu manjoo'mo hondo sahingga madi'mo ko tampat pongisian.

Tionyo ahi' belemiu saja' palesaya ka' tulu-tulutan hi Tumpu Allah ka' hi bubu' belemiu. O'inau' na aijo' ka' o una' i kinyonyoa nu belemiu

De Tumpu mondoke belemiu, o anakku, otalima na aijo' salaku sa'angu' na pokinde', ka' boli belemiu mompele-pele' i ajalan-Nyo aijo'. Tumpu mondoke mian anu Nu kanonongi, susumo tuuma mondoke anak anu nu kalibosi.

Boli okolilimi na anu ingajankumo hi belemiu, o anakku. Saja' o'inau' na anu pinalentahkonkumo, da mantan na umun nu belemiu ka' mohumpak kantumuu'an ma'ima' na belemiu.

Mohumpak dale' na mian anu pinandemo ka' timbalimo moko ala mongalati'. Ka'untungannyo lebe daka' molingkudui salaka anu i humpaknyomo ka' lebe ko angga'nyo molingkudui mosoni'. Kapandean bapikin lebe ko angga'nyo molingkudui batu mainan; iwi-iwi' na anu nu kahanda'i madi' ko anu mongkakanai.

De beleyum moko ala mombau han anu ma'ima' hi mian anu mompalalui palabuatan anu ma'ima' hi belemiu boli motunde na mombau han aijo'.

Kalana kapandean, bapikin sahingga Tumpu nompotimbalimo tano'; kalana pikilan-Nyo anu ma'ima' Ia nompobimo langit aita' i tampat-Nyo.