Popular Bible Verses from YEREMIA 22

Share

“Tionyo ahi' adin ka' hodi' na kinyonyoa. Pobebasmo na mian anu me saja' o ala na tenaganyo nu aha anu balakuasa anu saja' mongala tenaga nu mian. Boli mombee'i kasansala'an kabai mombau anu ma'idek hi aha mian anu isalipu'an mae, hi aha anak anu madi'mo ko tinanyo ka' tuumanyo, kabai hi aha anu binalumo. Boli mompatei mian anu madi' ko sala'nyo itampat aiya.

Potombihing mae o Tomundo' Yoyakim! De beleyum mombaumo laigan nu tomundo' kau' lontio' anu ma'ima' hondo lengkat mae i Libanon, pa' aijo' timbalimo sa'angu' na bukutinyo saba' beleyumo na tomundo' anu lebe ma'ima' molingkudui tomundo'-tomundo' sangga'at? Soba tutugi na tuuma nu beleyum: Ia nolasaimo kasanangan i uno nu kantumuu'an ka' iwi-iwi' na usahanyo ihumpaknyomo kalana ia saja' hodi' na kinyonyoa ka' mule' mongulus palakala nu mian anu kasiasi adin hondo. Memang sumo aijo' ahi' na palabuatan nu mian anu monsumbu' Tumpu.

Silakamo na mian anu mombau laigannyo panyo binau nu jalan anu madi' adin, ka' nompodaka'mo panyo pinodaka'mo nu jalan anu madi' hodi' na kinyonyoa. Silakamo na ia anu mompalentah mian mokalaja padahan madi' otamboi.