Popular Bible Verses from YAKOBUS 1

Share

To Utu-utus! De komiu mongoa'i ngangahan nu soba'an, oa'i na aijo' salaku sumo ka'untungan. Kalana osumbu' miu, de komiu tataap palesaya hi Tumpu tempo'nyo nongoa'imo soba'an, ahennyo: komiu timbalimo sabaan.

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.

O intomakon na aiya ima-ima', to Utu-utus anu okanonongi! Batu-batu mian tionyo ahi' malia' na mohongo, panyo momalas na motatae ka' boli sampa' motambuha'.

O jaga da kasabalan nu kinyonyoa miu aijo' saja' opo boa-boa sampe komiu totu-totu'u ma'ima'mo ka' madi'mo kakulangan i uno nu han mau pe'e pa' apaa.

Tionyo ahi' obau miu apaa na anu pinoto'imo nu Tumpu, boli ola mohongo, sahingga desumo aijo' oposi akalimo miu na butong miu.

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

Mian anu mohongo potatae nu Tumpu, panyo madi' obau i uno nu palabuatannyo atina' sumo mian anu hau-haunyo montoa ohupnyo anu sahondo-hondonyo i ahop nu mongkitaan. Nupoko toa ima-ima', ia mambamo panyo balomo nu kolilimi mosia na balu-balu'nyo nu ohupnyo aijo'.

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.

De ihehe na mian tagoda nu soba'an anu sumo aijo', boli ia motatae, “Soba'an aiya nolengkat mae hi Tumpu,” kalana Tumpu madi' opoko goda nu anu ma'idek, ka' madi' singkona monggoda mau pe'e pa' samian. Panyo mian tagoda de ia ahi' memang mongkamiluimo ka' ko tanga'annyo anu ma'idek.

Mian Kristen anu kasiasi de nuhangkatmo nu Tumpu tionyo ahi' saja' mongoa'i lame'.