Popular Bible Verses from YESAYA 46

Share

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo! Ku lagamo me na samian anu balakuasa lengkat mae isasu kabete'an ia toka mae pokakanamo susumo sa'angu' na tomonsi' anu baani hondo na mombaumo apaa na anu pinutusan-Kumo. Apaa na anu tinaloakon-Kumo tionyo ahi' Ku baumo, apaa na anu tinanga'an-Kumo tionyo ahi' kalajamo.

Aku tataap Tumpu nu beleyum sampe belemiu langkai'mo ka' bengkele'mo; ka' tataap monjagai belemiu sampe belemiu uanonmo. Aku na nompotimbalimo belemiu ka' tataap ahi' mompotuu' belemiu. Aku na montulungi ka' momposalamat belemiu.

Soba tutugi na hahan anu jinadimo naipuan mae; akuimo taalu' Akumo ahi' na Tumpu ka' madi'mo daagi' kosangga'atannyo Akumo na Tumpu ka' madi'mo ko anu pokakana sumo Aku.

Potombihing mae na Aku, o, mian lee' mae i Yakub, belemiu iwi-iwi' anu tinontuha' na mian anu palesayamo hi beleng-Ku. Aku nompotuu'mo belemiu, salatanmo pe'e belemiu ihampemo.