Popular Bible Verses from YESAYA 43

Share

Soba palahatikan, Aku mombaumo apaa na anu sala'je obau; uuka aiya tinampu'unanmo pa' ma'isa, o tinoa nu beleyum? Ku baumo na jalan i padang tampat anu mateges, ka' mule' kaunyo i padang tampat anu ewa.

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

Tumpu notatae, “Madi'mo kogunanyo na lewa' montutugi anu ihikuhakonmo, palasuma'mo nalewa' mompo'inau'akon anu u'utu mae.

O, Israel sumo uuka na koonyo nu Tumpu, “Akumo na nompotimbali ka' nontali'mo beleyum, boli mabuhuk, beleyum memang Ku posalamatmo! Aku nolagamo beleyum sinanggo na sanggo nu beleyum, beleyum Akumo na tumpu-Nyo.

Beleyum na ko angga'nyo ahi' imatang-Ku, Aku mohalagai ka' mule' mongkalibosi ahi' beleyum; sahingga Ku bee'imo mian salaku baumo pombolosi beleyum, to bansa-bansa salaku baumo pombolosi santuu' nu beleyum.

Kalana Akumo na Tumpu nu beleyum, Tumpu nu Israel anu susi', anu Momposalamatmo beleyum. Mesir Ku bee'mo salaku baumo pontokongi beleyum, Sudan tiba Syeba salaku baumo pombolosi beleyum.

Boli mabuhuk, kalana Ku jagaimo na beleyum. Lengkat mae ikinsoban tiba lengkat mae ikabete'an. Ku palentahmo mae na mompolee' nu beleyum da tokamo mae sihuk.

Panyo Aku ahi' Tumpu na nohapusmo dosa' nu beleyum, Aku mongampunimo beleyum kalana sumo aijo'mo nakinyonyoang-Ku; Aku madi'mo daagi' sola' monginau dosa' nu beleyum.

O, mian anu palesayamo hi beleng-Ku, belemiumo na to sakisi-sakising-Ku, belemiu pinile'an-Kumo da baumo to posa-posaihon-Ku da monsumbu' mae Aku ka' mule' palesaya mae hi beleng-Ku, ka' mangalati'mo taalu' Akumo ahi' na Tumpu. Akumo na Tumpu Anu Sa'a-sa'angu'nyomo madi'mo daagi' ko sangga'atnyo mau ma'isa pe'e ko Akunyo kabai mau daagi'mo ko Akunyo aiya.

Ola-olanyomo Aku na Tumpu, madi' ko sangga'atannyo na anu momposalamat.

sampe toka sidu-sidutu' Akumo aiya na tataap Tumpu. Madi' ko anu madi' i uno nu kakuasa'an-Ku, kabai montewa' anu tinanga'an-Kumo.”

Binatang anu ma'ela' moholomatimo Aku; serigala tiba tomonsi' unta mompuji'mo Aku, kalana Aku nompojalanmo uee i padang tampat anu mateges, ka' kaunyo i padang tampat anu ewa, da bau pompo inumi mian anu pinile'an-Kumo. Ahamo na bansa anu pinojading-Kumo da mombau anu Ku palentahkon, da timbali mombebakon anu bau pompuji' Aku.”

Ku palentahmo na utara tiba salatan, da aha sampa opolapas. Sahanyo to ana-anak nu beleyum anu to momo ane minsusule'mo, mae lengkat itano' anu majo'on, ka' to ana-anak nu beleyum anu to bou-boune minsusule'mo mae lengkat iwi-iwi na pus nu tano'. Kalana aha iwi-iwi' ilagamo i uno nu sanggong-Ku, aha pinotimbaling-Kumo da mompopodaka' Aku.”

Tumpu nombaumo sa'angu' na jalan montulu ambai, montulu uee anu ko bokonnyo. Ia nompalentahmo suludadu biasa tiba suludadu anu toto tangka-tangkas na pangkatnyo da mahampatemo, ka' aha nambamo notumbuhi sinumake ikareta anu nu hela' nu ajahan. Panyo aha tinombahangkangmo ka' madi'mo noko ala po ule' tinuminjo, aha sinilakamo susumo sumbu nu sulu' anu nopoho'mo.

Akumo na Tumpu nu beleyum anu susi', Tomundo' nu beleyum anu nompotimbalimo beleyum o, Israel!”