Popular Bible Verses from YESAYA 25

Share

O, Tumpu, Belentomo na Tumpu Allah-ngku, ku popodaka' na Belento ka' mule' ku puji na sanggo nu Belento. Kalana apa-apaa na anu binaumo nu Belento talalo ahi' okabangangi; Belento notanga'imo mombau apa-apaa daagi' pe'e naipuan mae, ka' binaumo ma'i-ma'ima.

Tumpu Anu Daka' na kausanyo mompateimo anu monsaduakon kapatean sampe toka sidu-sidutu'! Nu sapuimo na lolu' hi iwi-iwi' na ohup ka' mompojo'onmo anu monsaduakon sahingga ma'ambang, anu tinanggungmo nu mian anu palesayamo hi Ia isongko-songko na dunia aiya. Tumpu notataemo, ka' han aijo' memang tionyo ahi' jadi.

Tempo'nyo aijo' mian motataemo, “Memang totu'u, Ia ahi' na Tumpu-nto; Iamo ahi' ia na anu ota-otanda'into, da kita oposalamat. Totu'umo ahi' aiyamo na Tumpu; Iamo ahi' ia na anu ota-otanda'into. Uuka aiya poloaismo lame-lame', kalana Ia momposalamatmo kita.”

Aita' i puge'nyo Nu alinimo na kundom mongompo kinyonyoa ka anu mongkukumbungi bansa-bansa.

I Puge'nyo nu Sion, Tumpu Anu Daka' na Kuasanyo momposadiamo anu okaan i bau-bauon nu aha iwi-iwi' na bansa i dunia aiya. Nu tatuakonmo na kaanon anu toto ima-ima' hondo tiba anggur anu memang pinile'anmo.