Popular Bible Verses from EZRA 4

Share

Kalana aitu mian anu pininmo na jinojoong i lipu' aijo' lewa'mo nombee'i sisik da madi'mo daka-daka' na kinyonyoa nu aha mian Yehudi mombau Laigan nu Tumpu ka' lewa'mo nompopobuhuk aha da bolimo obau na Laigan nu Tumpu Allah aijo'.

Aha nonsale'imo obee'ije doi na to mia-mian anu bapangkat hi pamalentah Persia da bolimo opotimbali nu mian Yehudi haha aijo' na mombau Laigan nu Tumpu. Usaha da bolimo opotimbali salatanmo pe'e i Tomundo Kores na nompalentah tinoka-toka hi Tomundo'mo Darius na nompalentah.

Panyo i Zerubabel, i Yosua tiba to pola-polaya' nu aha toto sa'anakan haha aijo' nontaami, “Kami madi' pilenje otulungi nu belemiu na mombau Laigan nu Tumpu Allah mami. Posi kamimo na mombau susumo anu pinalentahkonmo i Kores, tomundo nu Persia, hi kami.”