Popular Bible Verses from NOSABATMO 8

Share

Anu pa ilimu' nonsobakonmo ilimu' nu aha da suele mompodaagi' momot, panyo madi' pinoko bau nu aha. Iyaya mae daagi'mo ko momotnyo, sahingga anu pa ilimu' haha aijo' notataemo hi tomundo, “Aiya Tumpu Allah na nombau,” panyo tomundo aijo' panggaga, ka' susumo anu tinaloakonmo nu Tumpu, tomundo aijo' madi' mongka'oho' mompajuli potatae i Musa ka' i Harun.

Lantas Tumpu notataemo hi Musa, “Lako'mo mamba mangadap hi tomundo ka' potoka hi ia na potuunon-Ku aiya: 'Pobee'mo na mian anu pinalesayamo hi beleng-Ku da mambamo monsombah Aku.

Salatan tinoa i tomundo taalu' bahangkakak haha aijo' singkapmo i nate, ia sabole-bolemo pinanggaga. Ka' susumo anu tinaloakonmo nu Tumpu, i tomundo madi' mongka'oho' mompajuli potatae i Musa ka' i Harun.

De beleyum madi' mompobee', Ku potokamo mae manjo-manjoo' na bahangkakak i lipu' aiya, salaku hukuman.

Tumpu notataemo hi Musa, “Pokau na i Harun monsapahi tano' nu tokonnyo, da songko-songko na lipu' nu Mesir abu'nyo mongabali' timbalimo momot.”

Tumpu nompotokamo mae lalo manjoo' hondo i laigan nu tomundo ka' hi iwi-iwi' na laigan nu to mia-mian anu ko pangkatnyo. Songko-songko na lipu' nu Mesir mongoa'imo hondo sansala kalana lalo haha aijo'.