Lapas aijo' i Mordekhai nontulismo iwi-iwi' na anu jinadimo aijo' ka' nompakatumo sulat hi iwi-iwi' na mian nu Yahudi anu jojoong i songko-songko na kalaja'an nu Persia, mau anu majo'on, mau anu ohani. Onyi'nyo nu sulat aijo' mompalentahkon da olame'akon na tanggan sampulu' ka' opat ka' sampulu' ka' olima', bitu'on Adar sataun toka sataun. Kalana i sinaamo aijo' na aha iwi-iwi' nompatundu'mo sampobali' nu aha iwi-iwi', sahingga kasusa'an ka' kasansala'an nu aha tinimbalimo kalame'an ka' kabilahian. Kalana aitu aha tionyo molame'akon sinaa haha aijo' obauakon bau-bauon mongkakaan ka' mompaha bagibagii kaanon ka' mule' mombee'i apa-apaa hi mian kasiasi.