Popular Bible Verses from ANU MOMPOLELE POTATAE NU TUMPU 7

Share

Boli malia' sampa mapanas na kinyonyoa; ola mian anu ponga' na saja monginau' ingunyo ikinyonyoanyo.

Jadi bilahimo ahi' de beleyum nohumpakmo dale'. Panyo de beleyum nu tokaimo nu balaa' boli okolilimi saba' Tumpu nombee'mo ohu-ohua' aijo'. Apaa na anu jadi mule' madi' osumbu'to.

Lebe ma'ima' ulusan nu palakala mingkotmo ka' de mule' montampu'unije ulusannyo. Lebe ma'ima sabaan ka' de mule' talalo takabun.

I dunia aiya madi' ko mian anu talakana'; madi' koa anu saja' mombau anu ma'ima' ka' madi' toho' binaladosa'.

Pokakanamo suele sumo doi anu bau pongoli ka amanan. Apaa mule' ilimu' mongkona kapandean bapikin! Ihe na ko kapandean bapikin ia salamat.

Mian anu kalakuanyo ma'ima' molingkudui nohong nu minya-minya' anu mahan na olinyo; ka' sinaa anu kasilakan lebe ma'ima' molingkudui sinaa anu ki nahampean.

Lebe ma'ima' nu pisala'i nu mian anu manonong; ka' de mule' nu puji' nu mian anu madi' sampa mangalati'.

Lebe ma'ima' mamba i laigan nu mian anu ko kasilakan; ka' de mule' ola mamba i tampat anu nombau bau-bauon. Kalana kita saja' ahi' monginau'; saba toto samian nu tanda'imo ahi' saba' toto samian nu tanda'imo ahi' nu kasilakan.

Mian anu ponga' tionyo ahi' saja molio kasanangan; mian anu pande saja montutugi kasilakan.