Popular Bible Verses from 2 KORINTUS 1

Share

O puji' na Tumpu, Tuuma nu Tumpunto i Yesus Kristus. Ia Tuuma anu talalo ma'ima' na kinyonyoanyo, ka' Ia Tumpu Allah anu mombee'i kahosonan nu kinyonyoa hi mian. Ia mompohoson kinyonyoa mami i uno nu kasusa'an anu o'oa'i mami, da kahosonan anu otalima mami lengkat hi Tumpu aijo', kami suele timbali mompohoson kinyonyoa nu iwi-iwi' mian anu i uno nu kasusa'an.

Iwi-iwi' na kasansala'an anu ingoa'anmo i Kristus suele sumo aijo'mo na konjoo'nyo na anu ingoa'anmo mami. Ka' kahosonan anu i humpakmo mami hi Kristus, kinyonyoa mami pinohosonmo hondo.

o'oa'i pokakanamo sumo anu binee'anmo hukuman da matemo. Panyo anu haha aijo' tinimbalimo da kami boli montaha'imani kahosonan nu posi butong mami, panyo hi Tumpu anu mompotumuu' mian anu sinilakamo.

Posi Tumpu na nompotimbalimo kami tiba kita Utus mahoson na mosa'angu' tiba i Kristus; Iamo singkona na nompile'i kita matungka' bau kapalaluan-Nyo. Kalana han aijo' sahingga Tumpu nompotantumo kita, iamo na tumpu-Nyo, ka' nombee'imo Roh-Nyo i kinyonyoanto salaku tanda pompohoson saba' tionyo nu bee' hi kita iwi-iwi' na anu jinanji'-Nyomo.

De kami mongoa'i kasusa'an, aijo' bau pompohoson kinyonyoaum da bau kasalamatanum. De kinyonyoa mami opohosonmo, saba' komiu suele opohosonmo sahingga komiu timbali sabaan mongoa'i iwi-iwi' na kasusa'an susumo suele anu ingoa'anmo kami.