Popular Bible Verses from Wahiu 3

Share

Ele! Aku, metotiꞌiꞌA i wambaꞌ, hei Kukadoꞌ wambaꞌ tiꞌo. Ane nohoriꞌi tumpu tambi pedodoeꞌka hei mampoweaꞌkiꞌA wambaꞌ, hingkiꞌ mekahiꞌA hei meꞌohaꞌA i io, hei hingkiꞌ mangkaka moꞌawa i lali pohintuwuꞌ.

Kubahaꞌ hapo to iwalikei. Hibalikei uwai, nitiꞌi motaheꞌ hawaꞌi woꞌo, nitiꞌi mololaho hawaꞌi woꞌo. Aginamo motaheꞌ ba molahokei. Angkana mololaho andolukei; hawaꞌkei molaho hei hawaꞌkei woꞌo motaheꞌ. Iomo horiana hingkiꞌ Kupeburokikei.

Lekiꞌ-lekiꞌna toaꞌ to Kupokarima, Kukamoroki hei Kulabehiꞌ. Iomo horiana Kutiꞌi, ipokarohokei lalimi, hei mengkatobaꞌkei!

Notiꞌi: Kubahaꞌ hapo to iwalikei. Ele, Kuweaꞌkikei wambaꞌ hei hawaꞌi hohumbo rowiti, alaꞌ Kubahaꞌ kohawaꞌmi rahi nipohibahaꞌ, angkana tontona ipetuntuikei poturuꞌKa hei hawaꞌi woꞌo isapuakakei koꞌipoꞌohingKakei.

Himo to penani ka kuasaꞌ topekelo, hingkiꞌ Kupopahura moꞌawa hante Aku i pahura kodatuangKu, hibali Aku penanimoꞌA, hei mahuraꞌA moparenta moꞌawa hante UmoꞌKu i pahura kodatuaNa.

Itiꞌikei sugiꞌmokei, moromiꞌmo kotuwuꞌmi, hamboaꞌmo uwaꞌ komakuraꞌmi. Angkana, hawaꞌkei ibahaꞌ kohohumbona kotuwuꞌmi! Makaja mpololeke komerima-rimami! Merima-rimakei, bilokei, hei melolawakei.

Alaꞌ koꞌipetuntuinamokei hawaꞌKa to mantiꞌi hangangaa mantahakei, hingkiꞌ Kupodaꞌkei i lali komasusami i tempo komaporiꞌ to hingkiꞌ morumpa humanele duniaꞌ. Lekiꞌ-lekiꞌna toaꞌ to meꞌohaꞌ i duniaꞌ i tempo komaporiꞌ tiꞌo hingkiꞌ pahuahi komasusa.

Hamboaꞌmo morue hingkiꞌ hupaꞌA, mewali hangangaa ipoꞌilalikei mpololeke poturuꞌ to ibahaꞌkei, hingkeꞌna hawaꞌi uwaꞌ to mamperompoꞌi totali datu alaꞌ kopenanimi. Inioꞌ mpuꞌu itorimokei toaꞌ to mampomonawuꞌkei, koꞌukoana hawaꞌkei pahua howonina tiꞌo.

Iomo horiana majaga-jagakei! Ipokarohokei pepoꞌohimi to uwaꞌ tene ikohandoaꞌna tene mahi, alaꞌ lekiꞌ-lekiꞌna to iwalikei Kuꞌokiꞌmo, hei handoaꞌi tene maganaꞌ i peꞌoꞌelena Pueꞌ Ala UmoꞌKu.