Popular Bible Verses from Markus 5

Share

Notiꞌi hi Yesu pe towoweꞌe tiꞌo, “AnaꞌKu! Nokomi pepoꞌohimu i Aku, horiana moꞌoriꞌko. Hinewowoꞌena moꞌoriꞌmoko, mahuliꞌmoko hante kotanaꞌ lali.”

I lumbura toaꞌ to woriꞌ tiꞌo, uwaꞌ haduo towoweꞌe to hampuluꞌ merontoꞌamo nohua nturusi meraꞌa hawaꞌi moꞌoriꞌ hakiꞌne. Woriꞌ mpihamo mepokuliꞌi pe sando, wute uko lumane nopobaluꞌ nopopobayari. Angkana hawaꞌi uwaꞌ komoꞌoriꞌane, wuliha tetambai hakiꞌne.

Konoruntuinalu, kaliuꞌ meꞌohaꞌ raꞌane, hei nohoriki moꞌoriꞌmo ka hakiꞌna.

Umuruꞌna oꞌanaꞌ tiꞌo hampuluꞌ rontoꞌamo. Notikomo hi Yesu korawene, hei mantiꞌi, “Talita kum!” Palaihana “AnaꞌKu meꞌaromoko!” Meꞌaromo oꞌanaꞌ tiꞌo hei kaliuꞌ matengkaꞌ. Lekiꞌ-lekiꞌna toaꞌ to itoꞌo lemeniahi pangkiꞌ hapo to mewali.

Kolentuꞌana tene hi Yesu mololita, hupaꞌmohi haꞌumbora toaꞌ ka tambina hi Yairu mampatiꞌiki hi Yairu, rotiꞌi, “Tua, anaꞌmu mahimo. Hampoliꞌmoko mampomasusa Guru.” Konohorinalu hi Yesu hapo to rotiꞌi toaꞌ tiꞌo, Notiꞌiki hi Yairu, “Anioꞌko morokaꞌ! Mepoꞌohimoko!”

Hi Yesu mampopolai tokodake to mampekahii toaꞌ tiꞌo, Notiꞌi, “Polai ka toaꞌ hieꞌe!” Angkana toaꞌ tiꞌo mololita nopokobue, notiꞌi, “Yesu, Anaꞌna Pueꞌ Ala to Makuasaꞌ! Haporeꞌi tungkaihaMa pe aku? Kuperapiꞌ i lali konaꞌna Pueꞌ Ala, inioꞌa Ipoperima-rima.” Nopeꞌitanoki hi Yesu, “Himo konaꞌma?” Mehoniꞌ, “Konaꞌku hi Legio, alaꞌ woriꞌka to mekahi pe toaꞌ hieꞌe.”