Popular Bible Verses from Matius 13

Share

Woiꞌ to molompoꞌ, nipandiriꞌ toaꞌ to mampehoromua hei mampoꞌilali Pohawaꞌna Pueꞌ Ala. I toaꞌ tiꞌo, Pohawaꞌna Pueꞌ Ala mowuaꞌ. Uwaꞌ to mowuaꞌ hanatu mpiha ka howoriana, uwaꞌ to mowuaꞌ oni mpuluꞌ mpiha ka howoriana, hei uwaꞌ woꞌo to mowuaꞌ tolu mpuluꞌ mpiha ka howoriana.”

Woiꞌ to kedui, nipandiriꞌ toaꞌ to mampehoromua Pohawaꞌna Pueꞌ Ala, angkana mampekiriluhi kotuwuꞌra i duniaꞌ, hei mangkodokoꞌiluhi morampu luma poduniaꞌ. Iomo horiana rokolembulihaki Pohawaꞌne Pueꞌ Ala, hei hawaꞌi modumbuꞌ i lali kotuwuꞌra.

Woiꞌ to morintodi nipandiriꞌ toaꞌ to mampehoromua mpololeke Pohawaꞌna Pueꞌ Ala noniuꞌ hohumbo poparentaNa, angkana hawaꞌi robahaꞌ palaihane. Hupaꞌmo Belisiꞌ morompoꞌi Pohawaꞌna Pueꞌ Ala tiꞌo ka lalira.

Woiꞌ to mowatu nipandiriꞌ toaꞌ to mampehoromua Pohawaꞌna Pueꞌ Ala, hei tuꞌu-tuꞌu motanaꞌ lalira mampehoromua. Angkana hawaꞌi moꞌuwakaꞌ Pohawaꞌne Pueꞌ Ala i lalira, iomo horiana hawaꞌhi mantaha. I tempora nipoperima-rimahi ba nipomaporiꞌhi nokomi pepoꞌohira i Pohawaꞌna Pueꞌ, hingkiꞌ hohiꞌhi maꞌoruꞌ ka pepoꞌohira.

Notiꞌi hi Yesu, “Poparentana Pueꞌ Ala hibali bulawa to tetawu i lali woiꞌ, nohua haduo toaꞌ, hei kaliuꞌ notawu huliꞌ honiꞌi mahuliꞌ. Nokomi komotanaꞌna, liu ako mampobaluꞌ lekiꞌ-lekiꞌna lumana, honiꞌi nopopehili woiꞌ ikoꞌuwaꞌana bulawa tiꞌo.

Angkana uwaꞌ woꞌo howoria to monawuꞌ i woiꞌ to molompoꞌ, tuwuꞌ moromiꞌ horiana mowuaꞌ. Uwaꞌ to hanatu mpiha koworiꞌna ka howoriana, uwaꞌ to oni mpuluꞌ mpiha, hei uwaꞌ woꞌo to tolu mpuluꞌ mpiha.”

Itedehimolukei tuwuꞌ moꞌawa hante kina, wute hupaꞌ tempona mekina. I tempo tiꞌo, hingkiꞌ kurumbaꞌhi topekina mowutu duluna donaꞌ tiꞌo, rorampu, hei rohiluꞌ honiꞌi nihunu. Uko tiꞌo, honiꞌi rorampu wae kinane, honiꞌi roporia i lali buhoꞌ.’ ”